胡杏兒細仔1歲生日　竟然畀小鮮肉搶晒鏡？

藝人胡杏兒為老公李乘德（Phil）誕下兩子，唔經唔覺細仔李奕霖（Ryan）尋日（21日）原來已經1歲生日，之前見佢同兩歲半阿哥李奕霆（Brendan）身形一樣咁大件，真係一樣Cute到爆。今次杏兒喺社交網大晒Ryan生日P嘅全家福，Ryan紅噹噹上陣非常搶身，估唔到Brendan更以Ironman造型見人，打扮用心搶晒鏡，佢兩個簡直就迷暈全場！

杏兒發文大爆今次係Ryan 1歲生日會，亦係老公第一次同兩個仔過嘅父親節，加上Brendan今次有得玩Cosplay，扮佢至愛嘅英雄角色Ironman，真係一家四口都咁幸福！睇真啲，今次生日派對上Ryan原來係扮緊蜘蛛俠，身後嘅布景版同蛋糕上都有唔同嘅英雄人物，似乎兩兄弟都夠晒熱血，人仔細細就迷上英雄角色，唔知佢哋第時大個會唔會都一樣咁有正義感呢？