東網電視
更多新聞短片

分手仲可以做好朋友,即係有機會復合喇。
1/5
「宅男女神」陳瀅與賭王何鴻燊四太之子何猷亨2015年拍拖,女方更獲四太開綠燈,可惜,兩人拍拖不足一年便分手,不過,二人依然保持友好關係,女方仍獲前男友安排名下的七人車接送,地位超然!
何鴻燊早前病逝,正守孝的何猷亨仍有約會陳瀅,日前,他便與陳瀅撐枱腳,還找來陳瀅好友何雁詩做「電燈膽」,掩人耳目,眾人坐在近海邊的餐廳食飯,十分浪漫。食飯期間,何猷亨全程照顧周到,而陳瀅則大部分時間都電力十足地望住猷亨,期間還將自己的手機「開心share」一齊睇,相當親密!
離開時,猷亨則幫陳瀅拖住兩隻狗,相當體貼!陳瀅與何猷亨感情升溫,相反早前跟猷亨開船P的馮盈盈,則無下文,被指成了輸家,而本身亦跟陳瀅相熟的盈盈,未知是否情場失意,再加上跟好友江嘉敏反目,是非纏身,上周於樂易玲生日派對中借酒消愁,要由陳瀅扶她上車,關係都可謂相當微妙!

陳瀅自何猷亨後,都沒有正式承認嘅男朋友。

陳瀅好友何雁詩做「電燈膽」。

馮盈盈冇晒下文!

兩人都幾襯。