東網電視
更多新聞短片
李家鼎、譚玉瑛笑言由唔熟煮到煮、由唔熟拍到熟。
1/6
藝人李家鼎及譚玉瑛在將軍澳電視城出席《阿爺廚房》記者會，即席下廚炮製「百花釀甜豆」及「脆皮牛肋肉」。談到今輯難忘事，兩人表示因疫情而有阻滯，而最後一日外景到塔門拍外景時更臨近打風，在海上遇到大風浪，譚玉瑛說：「我哋坐船時個人已經拋緊，出咗去魚排仲大風大浪，點知雨後又大太陽。（有冇暈船浪？）咁又冇，不過坐船時啲水撇埋嚟成身濕晒。」
李家鼎笑言好似沖完涼：「由頭濕到落腳，好彩着咗波褲打底。」譚玉瑛笑言：「佢除咗面褲一半，露出波褲幾性感，我就好似乾蒸咁。」李家鼎說：「你唔着泳衣咋嘛！」他又提到外界以為他們不老友，但自嘲其實二人是「一傻一黐」，譚玉瑛解釋：「今次係第五輯，我哋由唔熟拍到熟，更有默契。」原來譚玉瑛在拍攝時愛飲啤酒，但李家鼎就唔飲，因為怕飲完面紅不能出鏡。
----------------------------------------
「繽FUN星網」誠招各類有趣短片！
家有可愛貓狗，想同更多嘅人分享？
有橋有料，素人想一片成名？
立即寄片嚟： bunfun@on.cc
節目已經拍到第五輯，人氣依然咁勁。
即場晒廚技。
譚玉瑛到塔門拍外景遇風浪，搞到身濕晒。
「百花釀甜豆」、「脆皮牛肋肉」。
李家鼎今輯又有新搞作。
