許文軒唱《愛恨纏綿》　關淑怡都讚好

藝人許文軒早前於無綫節目《流行經典50年》內，演唱關淑怡90年代金曲《愛恨纏綿》。能夠公開演唱偶像首本名曲，他說：「收到通知要唱呢首歌嘅時候好驚喜，但同時間亦都好頭痕。我本身好欣賞關淑怡，喜歡佢把聲同獨一無二嘅風格，不過要翻唱佢嘅歌的確有啲壓力，況且要『女歌男唱』，更加係一件唔容易嘅事。呢首歌本身有一種女仔角度嘅甜，男仔唱會感覺有少少奇怪，好彩今次同節目嘅Band Leader阿Lam溝通過，將原本嘅編曲改咗，開頭用鋼琴，之後變成Pop Rock，咁就抹走女性化嘅感覺嘞，仲有啲新鮮感添。」

文軒完成演出後，竟然於社交平台，獲關淑怡留言讚好：「我第一個反應係『嘩！點會唱得好過佢？唔敢當！謝謝佢喜歡，希望唔會太失禮啦。」而其主持的節目《我們的音樂時代》獲得不錯口碑，文軒獲邀撰寫音樂專欄，他說：「非常感恩得到好多音樂人、歌手同業界嘅認同，好似打咗支強心針咁，好多人都叫我快啲開第二輯，依家努力諗緊題材。」

----------------------------------------

「繽FUN星網」誠招各類有趣短片！

家有可愛貓狗，想同更多嘅人分享？

有橋有料，素人想一片成名？

立即寄片嚟： bunfun@on.cc