東網電視
更多新聞短片
錢國偉生前廣結善緣，伊健、阿Sa送金牌監製最後一程。
1/13
多位藝人晚上前來弔唁金牌監製錢國偉（Wilson），鄭伊健與太太蒙嘉慧一早就現身靈堂，並與林曉峰等站於家屬席，盡顯兄弟感情深；而稍後就蔡卓妍（阿Sa）則以全身黑裙打扮前來拜祭故友。
姚子羚唐詩詠連詩雅祭恩師
當中姚子羚、唐詩詠都是參演由錢國偉製作的《四葉草》系列劇集而「出生」。子羚接受訪問時忍不住喊了出來：「多謝佢畀咗好多機會我哋，冇佢我都冇今日，大家認識好耐，喺佢走之前冇同佢好好道別有啲遺憾。」而詩詠則謂：「佢好好人，唔會刻意教導我，但喺佢身上我學曉拼搏，佢係我伯樂。」
連詩雅坦言心情很沉重，初出道時因發生了一些事情，以為自己不能再立足於影視圈，她邊說邊硬咽謂：「當時好多謝Wilson搵我拍《喜愛夜蒲》，頭先見到佢張相，肥嘟嘟好得意，心情就更加沉重，第一次拍戲係佢搵我，當時自己都唔知做乜，一路拍佢就一路教我。」
張衞健封錢國偉做Big Four大腦
至於蘇永康、許志安及張衞健受訪時表示錢國偉會長埋於心中，又指「Big Four」四子現時有點成績，作為靈魂人物的錢國偉是功不可沒，張衞健：「我哋加埋佢係Big Five，如果Big Four係四肢同身軀，佢就係大腦。」許志安表示好掛住錢國偉，指他是一個開心的人，希望將他的精神延續下去。
靈堂布置簡潔，錢國偉遺照擺放在中央。
姚子羚（右）由陳自瑤陪同現身靈堂。
許志安（左起）、張衞健、蘇永康封錢國偉是Big Four的大腦。
靈堂外出現人龍，可見錢國偉生前廣結人緣。
阮兆祥（中）前來送別故友。
姚子羚（左）接受訪問時忍不住淚水。
連詩雅感謝錢國偉提攜。
蔡卓妍前來拜祭故友。
康子妮（左）帶同兩名兒子前來拜祭。
唐詩詠（右）由樂易玲陪同前來拜別恩師。
周家蔚（左起）、湯盈盈難捨好友離去。
鄭伊健與太太蒙嘉慧送好兄弟後一程。
