唔講唔知！原來佢哋都係香港人
20201211
東網電視
更多新聞短片
真係唔講唔知囉！
近日十大傑出新香港青年名單出爐，由上海移居香港嘅Angelababy，成為影視圈唯一入圍者，真係可喜可賀！其實睇番過去都有唔少內地藝人，雖然唔係喺香港出生，但係就因為種種原因，成功申請成為香港人，隨時唔講你都唔知囉！
趙薇
女星趙薇注重女兒嘅教育，佢喺2015年一家三口來港定居，等女兒可以喺香港讀書，並買下豪宅，成功申請做香港居民。
孫儷
內地女星孫儷透過優才計劃成為香港人，並喺2014年來港誕下細女，等細女順理成章做埋香港人添！
章子怡
國際影星章子怡早於2007年因雄厚實力被睇中，透過優才計劃成為香港人，到咗2015年佢仲同汪峰喺香港入紙結婚。
周迅
金像獎影后周迅早年就以優才計劃申請做香港人，佢直認申請原因係因為方便工作，為自己嘅工作條件增值囉！
張靜初
女星張靜初獲導演許鞍華及爾冬陞等寫推薦信，成功透過優才計劃申請香港身份證。原來佢唔止有顏值，爾冬陞仲大讚佢嘅語言能力好強呀！