細女出世喇!王祖藍好興奮:個樣唔似我

20201217
東網電視
更多新聞短片
恭喜晒!
藝人王祖藍再做爸爸喇!佢喺社交網宣布細女出世,佢晒出一家四口合照,留言:「三個女人一個墟,一個男人戇居居。」據知B女在上海出世。相中所見,祖藍負責抱住大女,老婆李亞男抱住細女,一齊向新生命送吻,非常有愛!
祖藍細女英文名叫Hayley,中文名叫王海靜。問到祖藍同亞男第一眼見到Hayley係咪好感動?李亞男笑言:「當我哋第一眼見到Hayley時,係覺得好搞笑同神奇,因為佢同家姐一模一樣樣,見到佢就好似見到啱啱出世嘅家姐咁,實在真係太似樣了;唯一有一點唔同,就係Hayley個鼻好似仲大過家姐咁,係一個大鼻妹嚟,哈哈哈!但好感恩佢係一個好漂亮嘅孩子,好多親友睇咗相後都讚佢好靚女。」祖藍補充:「好感恩佢唔似我,最緊要係個樣唔好似我,似晒媽咪就可以㗎喇。」
問到再生第二胎係咪冇第一胎咁緊張?佢話:「因為有咗第一次嘅經驗,又因為我係開刀,好多嘢都按照住schedule發生,所以今次就真係冇咁緊張同激動,但當然嗰種開心同奇妙嘅感覺依然係非筆墨所能形容。」