東網電視
更多新聞短片
《2020年度勁歌金曲頒獎典禮》各獎項陸續頒發，嚟到最矚目之一嘅「最受歡迎男歌星」，周柏豪同胡鴻鈞賽前均被睇高一線，戰況緊湊鬥得難分難解，最終佢哋齊齊得獎，平分呢個殊榮，佢哋聽到呢個消息時，個樣都呆一呆唔識反應，最後佢哋肯定係齊齊得獎先一齊上台，呢個賽果絕對係創先河，真係夠晒驚喜！
宣布賽果後，周柏豪同胡鴻鈞唔識畀反應。
周柏豪（左）個樣似係諗緊：「究竟係我定係胡鴻鈞？」
終於明白係一齊得獎。
周柏豪個樣好似未接受到！
握握手，齊齊上台攞獎。
「冧莊」的周柏豪發表得獎感言︰「好開心今年得到呢個獎項，我會繼續努力做好。」而首次獲此殊榮的胡鴻鈞就話對獲獎好意外︰「好想多謝由我入行睇到我依家嘅工作人員，多謝Fans喺呢10年不離不棄咁支持我，覺得拎呢個獎係份責任，喺新一年會做得更好。」
佢哋都好禮讓。
周柏豪（左）表情多多。
一齊開心係正！
