東網電視
更多新聞短片
前女子組合HotCha成員張惠雅（Regen）尋日凌晨上載披頭散髮自拍，留言：「如果有一天我突然暴斃請不要驚訝…」嚇親一班粉絲。
原來Regen咩事都冇…
今日佢終於都為「暴斃論」解釋，指佢對「過勞或者唔知做咩突然瞓低」忽然有覺悟，又指覺得地球係一個困住靈魂嘅地方等，純粹係想抒發己見啫。
Regen社交網交代言論。
佢都係有感而發，忽然對生命有覺悟啫。
不過長文中，佢就提到因為佢嘅言論而令記者聯絡上前隊友Crystal（張紋嘉），Regen指自己尋日有收到對方1個Message，但其實佢哋一直冇咩聯絡，亦冇咩問候對方：「大家都安好，大家都唔好再問我或者佢:)I am so sick of this（我很討厭這樣！）」似乎又挑起佢往日情緒。
點知佢就因而同Crystal有番聯絡。
Regen直言同Crystal一直冇咩聯絡，又唔會互相問候，各有各世界。
另外，她在社交網表示踩單車時不慎整崩牙，並上載最新圖片展示傷勢，但卻表示：「原本想聽日休息去補牙，但係諗諗下有口罩又唔使拍嘢。聽日都係唔補牙住，不過我想瞓耐少少，因為冇咗半隻牙都有點受驚，瞓醒明天再煮咖哩飯。」
踩單車跌崩咗隻門牙，慘！
