阮兒宣布情變　衛志豪回應暗示「被分手」？

藝人衛志豪同阮兒拍拖3年一向感情穩定，不時晒恩愛之餘，佢哋仲一齊經歷高低起跌，好似阮兒之前生蛇同埋患上抑鬱，男方一直陪伴左右，正當大家以為佢哋會拉埋天窗時，今日阮兒出席活動時自揭已分手並準備搬離愛巢！就事件向男方查詢時，佢嘅說話似乎暗示有內情唔簡單！

衛志豪接受訪問時話：「多謝關心，其實我都唔太明白！但不想講太多，請見諒。祝福她！她有權選擇，講同唔講，或者幾時講同喺邊度講！」講到明「唔太明白」再加上最後嗰句，似乎係想表達大家冇溝通情況下「被分手」。