彈劇本唔掂搵高層投訴？高海寧：冇啲咁嘅事！

無綫劇集《童時愛上你》由藝人高海寧（高Ling）、張振朗擔演，劇中高Ling飾演一名有錢女人，但因意外令她變到只得8歲智商。有傳此劇因劇本問題而煞停，亦有指高Ling看完劇本後覺得唔掂，親自找高層曾勵珍。原本此劇應已開拍，但角色甚具挑戰性，高Ling亦很大壓力，不斷揣摩角色，劇集暫時延遲到6月才開拍。

此劇監製廖晉碩接受東網訪問時謂：「其實今次延遲拍攝同演員冇關，主要係想執靚啲個劇本，而演員亦可以有更多時間去準備角色。」而高Ling受訪時謂：「我都係聽公司嘅安排，自己會努力準備好！」問到有否找曾勵珍投訴？她說：「監製已經解釋咗點解，我唔相信我一個人嘅諗法會令到公司停廠，又要重新寫劇本，知唔知咁樣係要用好多錢，所以絕對冇啲咁嘅事！」而曾勵珍亦為高Ling平反，她指延遲拍攝根本完全不關高Ling事，又指她與振朗同是上位藝人，不想二人的努力白費，故才決定執好劇本才開拍。