東網電視
更多新聞短片
藝人譚俊彥（Shaun）5年前將事業重心由內地搬返香港，若然可以時光倒流，佢話都會做一樣嘅決定，絕無後悔：「始終用廣東話做戲係唔同啲，同埋TVB係由細睇到大，雖然要重新嚟真係好難，到依家我都仲係覺得好難，但同時其他人可能會覺得我有好多機會好易，套套都有得做，但其實有冇諗過如果我有套做得唔好，冇盡心盡力去做個角色，我就會即刻畀人換走，我都鼓起咗好大嘅勇氣去做呢個決定。」
譚俊彥返回香港拍劇，擔正多部電視劇。
譚俊彥回港後多咗時間陪家人。
談及多次被提名爭奪視帝寶座，問到Shaun會唔會心思思想攞獎？佢大騷急才，用讀書嚟做比喻：「始終我唔係喺呢間學校讀書出嚟，有好多幼稚園就喺度讀嘅人，我叫做讀完大學先返嚟，好難同啲啱啱開始嘅人比較，佢哋嘅付出係比我多好多，有依家咁嘅機會已經好感恩，喺呢個階段想做好我嘅戲先。」
譚俊彥話返嚟都鼓起好大勇氣。
