拗數反面?天堂鳥解散 Tyrese唔恨留低

20210329
東網電視
更多新聞短片
天堂鳥解散啦!
3人男子組合天堂鳥(BOP)為慶祝成軍7年,推出重新編曲的翻唱歌,而成員Gordon和Lincoln齊齊簽約邵氏向影視圈發展,Tyrese則快將與網紅女友結婚,好事陸續來。惟近日有傳3子為錢銀有意見分歧,向公司提出解散,組合如歌名一樣《今生不再》。
呻收入少要做副業
隊長Gordon受訪時直認「拆夥」,但澄清並非如傳聞般反目,此決定是3位成員及唱片公司一致通過:「天下無不散之筵席,分開唔係壞事,人大咗有自己嘅諗法。」他承認與隊員曾意見不合,好在能互相磨合,友情不受影響。問到解散是否與錢銀有關?他坦言做組合難維生:「試過幾個月或者半年零收入,要出去做副業,但好想繼續自己嘅歌手夢,希望Keep住天堂鳥嘅初心。」
開騷成最後心願
成員Lincoln認同做組合要習慣捱窮:「因為要3個人分,試過做咗3個月嘢,第1次出糧得922蚊,嗰次自己都『吓』咗一聲,問點解得咁少錢。之後有好轉,可以繼續到基本生活囉。」問到未能開演唱會向歌迷「找數」,是否最遺憾?他說:「係組合最後心願,但要睇公司同外面反應。」
暫別娛圈
至於Tyrese將暫別娛圈,表示想專注發展園藝生意,覺得近年香港甚至整個世界的環境都不似預期,令他們求轉變及突破,又表示:「組合遲早要面對解散,惟有以樂觀心態面對,祝願兄弟演藝路上前途似錦。」