李璧琦爆《星夢》約食飯冇一次齊人

藝人李璧琦近日非常忙碌，既要宣傳電影《等一個擁抱》之外，還應邀出席音樂節目，今次是應鄭俊弘之邀，談到2人的緣分，她笑言是當年大家同是參加《星夢傳奇》而結緣，轉眼間已是8年光景，大家的變化都很大，令她十分感觸。

她說﹕「我哋成班星夢參賽者有個群組，間中都有約出嚟食飯，不過咁耐以嚟冇一次係齊人，我個心願係可以大家一齊合作，我之前開演唱會都有搵佢哋做嘉賓，其他成員開演唱會又會搵我哋幫手，大家互相支持。」

現年42歲的李璧琦，結婚已差不多2年，但她依然事業為重，暫無意生育，完全無懼高齡產婦的問題，只想事業繼續衝刺。