處女下海演心機女！鞏姿希空降《愛．回家》做補習Miss

娛樂新聞台主播鞏姿希（Krystl）有機會在處境劇《愛．回家之開心速遞》中，客串演出補習社新入職的補習老師「Megan」，今次挑戰性不少，因為要飾演不受歡迎的心機女，與同是港姐的葉蒨文大鬥戲法。她在社交網上載與周嘉洛、蘇韻姿、張明偉、吳偉豪和焦浩軒的合照，看似相處得非常愉快，她表示：「好好紀錄吓第1次拍戲（劇）！原來拍劇真係會上癮，好多謝大家畀機會我，拍的時候大家都對我好好，畀好多意見我，又教我好多，叫我放鬆啲，畀機會我去試，又冇嫌我煩陪我讀劇本。知道自己一定有好多地方做得唔夠好，希望之後再有機會畀我去進步啦，睇我點做心機女啦。」

擁有40吋長腿的Krystl於倫敦帝國學院策略營銷學碩士畢業，2018年參與香港小姐後入行。語言天分極高的她精通粵語、國語、英文、日文、韓文，亦擅長拉奏二胡，周身刀張張利。