唔驚得罪人!恰戴祖儀者如恰曾樂彤

2021年04月15日 22:09
東網電視
更多新聞短片
歌手曾樂彤擔任TVB娛樂新聞台節目《StarTalk》嘉賓,接受主播許文軒專訪,大談以成長為主題的新碟《Inner Child》感受。其中一首新歌《躲不開的一課》由曾樂彤親自填詞,她表示:「之前都有嘗試為自己嘅Demo填詞,不過最終未有採用而被打沉,之後同好友洪嘉豪傾偈,佢提出不如幫佢試填Demo,最後真係冇諗過佢同佢公司會採用,自此之後對填詞有番信心,公司唱片部嘅同事都鼓勵我今次試吓自己填詞。(其實洪嘉豪係你填詞上嘅恩人?) 係呀!佢叫我跳海都去,好大嘅人情!」
曾樂彤與多位同年出道的新人成為好友,其中包括洪嘉豪和戴祖儀:「戴祖儀真係咩都知,又試過一齊去旅行,不論聖誕、除夕、年三十晚、情人節都係同佢過。朋友對我來嚟講好重要,因為朋友係一世,我會覺得如果朋友發生啲咩事,我會唔開心過同男朋友分手。如果工作上佢畀人恰,我會唔鍾意恰佢嘅人,我會對住嗰個人冇禮貌,就係見到佢唔點頭。」她又說有想過跟戴祖儀合唱,但要找個合適時機。