東網電視
更多新聞短片
歌手泳兒昨晚現身英皇電影《感動她77次》首映撐主演的師姐蔡卓妍場，全黑型格打扮的她，有講有笑表現風騷，惟身形明顯消瘦不少！原來她最近抱恙，有讀者報料指兩周前，一星期內兩度在私家醫院遇見她，其中一次更見她急忙地辦入院手續，另有讀者稱在九龍城一間傳統中醫館見到她排隊等睇症，中西醫合璧治病，情況令人擔心！
泳兒尋日出活動，見佢瘦咗好多！
泳兒接受東網電話訪問，她承認曾留院數天接受治療：「我之前有一日突然間又暈又嘔，所以就入咗急症室，初時以為只係耳水不平衡，但醫生叫我留院做Body Check，咁我就照咗胃鏡同腸鏡，好彩啲報告都話我身體正常，不過都住咗幾日醫院，西醫話我冇事，我都放心咗，但出院後都繼續覺得有啲暈，之後再睇中醫調理身體，其實嗰個中醫我一直都有睇開嘅。」
泳兒去咗睇中醫！
泳兒承認之前入院做Body Check，之後睇中醫調理身體。
