【惺惺相惜】周杰倫力挺黑人籃球賽　網民提議鬥番場

台灣天王周杰倫（周董）向來都係籃球狂熱分子，不單止成日睇波，打籃球仲好勁，成日約班Friend出去鬥波！而同佢一樣打籃球打到入血嘅陳建州（黑人)，近日就搞咗個籃球賽，周董同黑人惺惺相惜，近日要開工嘅周董仲喺百忙中抽空做黑人籃球賽嘅嘉賓添，黑人喺社交網留言：「真心愛籃球，感謝相挺！Basketball never stops！」雖然黑人有晒出2人合照，但網民覺得唔夠喉，叫佢哋快啲打番場波，拍片畀大家睇佢哋球場上嘅英姿。