東網電視
更多新聞短片
歌手洪卓立（Ken）唱而優則演，早喺2014年於《區區有鬼故》客串過1集嘅佢，相隔6年多再騷演技，佢喺社交網為有份拍攝嘅《逆天奇案》劇集宣傳，留言：「簡直是事業上的巔峰之作，舉世無雙」，不過佢唔係自誇演技而是自踩身形，續說：「我指我當時的體重，看完告訴我好不好看。」
洪卓立難得現身《逆天奇案》。
不過佢就話當時係體重顛峰！
而喺新一集《逆》劇中，Ken的確有啲「塊面闊過電視機，身形重過洗衣機」，不過肥唔係罪，自棄才是錯，所以佢好勤力做運動，日日踩單車，結果「精誠所至，肥膏離開」，佢再挑戰着番拍劇時嗰件黑衞衣，真係明顯瘦咗啲，狀態開始回勇，早排仲將黑髮染成銀灰色，成個人sharp醒晒，不過減肥唔止係女人嘅終身事業，其實男星都要緊守瘦身，所以Ken要繼續努力消脂。
洪卓立日日踩單車！
依家Fit晒啦～
