東網電視
更多新聞短片
藝人張沛樂（沙律）與男友保錡今晚（25日）一同出席活動，沙律為了等保錡而遲到，但兩人又前後腳現身，而保錡與旨呈一同到場，又婉拒與女友合照，只表示來撐場。
沙律話唔想搶焦點！
沙律又話唔想拍拖影響工作。
沙律指因不想因為拍拖而影響工作，所以避免合照免搶鏡。對於男友保錡近期終於再獲網友支持，她笑言：「都好開心，最緊要大家支持。」談到保錡新歌《W.W.W.M》是否男方的心聲？她說：「佢之前都講咗話啲歌係佢嘅生活點滴同心聲。（有冇捧《ERROR自肥企画》場？）有，同保錡一齊睇。（點睇保錡剃陰毛？）唔同人有唔同嘅睇法，有啲人覺得搞笑，有啲人覺得低俗。（介唔介意情侶檔工作？）唔介意，最緊要開心同舒服。（拍拖會唔會有避忌？）呢啲係兩個人嘅事，最緊要開心，畀啲空間我哋。」
同場陳欣妍談到拍咀戲問題，她指拍咀戲會跟男友沈震軒備案，只要是因為工作，對方都會支持。她又提到早前用了西方式接吻技巧來拍咀戲，並笑謂：「西方會係左轉右轉，激啲嘅。」
保錡（右）黐住旨呈到場。
