東網電視
更多新聞短片
藝人仙樂都去年尾與從事農莊生意的男友Godfrey結婚，之前宣布懷孕的她，本來已擇了好日子生B，但25日（周二）突然要緊急開刀，成功產B女，B女出世時6.9磅，二人更為她改了泰文乳名，讀音「咩摸」，泰文意思是醫生，她坦言希望「咩摸」將來可以當醫生。仙樂都剛接受東網訪問時謂：「依家心情都有啲波動，本來擇咗時辰，可能自己係高齡產婦，血壓同尿酸都亂晒，醫生話唔開刀身體機能可能會有問題，有可能會有抽筋情況，要緊急開刀生B，BB依家因為黃疸指數高要照燈，依家心情好忐忑，唔知係咪產後抑鬱，頭先聽到BB要照燈我都爆喊，我又上唔到奶，情緒唔係好正常咁！唔知係咪產後抑鬱徵兆。」
仙樂都緊急開刀誕B女，母女平安！
佗B重咗75磅！
她現時最大心願就是B女健健康康，她謂：「見到佢喊就想喊，做人父母就係咁，依家要努力收身，好恐怖呀！我未生時係47kg（103.4磅），啱啱生前81kg（178.2磅）多，自己都拍咗片，將來畀阿女睇，阿媽因為佢變咗肥師奶，我都驚瘦唔番呀！」
媽媽真係好偉大！
