王大陸台妹女友暗踩馬國女神係小三：綠色是原諒的顏色

台灣男星王大陸最近被斷正撻着失婚馬來西亞女星蔡卓宜，仲當街又攬又啜擁32C好身材嘅蔡卓宜，就算二人未有正面回應戀情，大家都當佢哋係一對。不過有台媒指，王大陸本身有位台妹女友Ivy，早喺2019年佢哋已經多次被拍得當街拍拖，王大陸又會帶佢出席好友聚會，對於被爆出有新歡蔡卓宜，原來Ivy有嘢講。

台媒發現Ivy喺去年12月曾喺社交網限時動態寫下：「綠色是原諒的顏色。」似乎意有所指，今年年初更爆出佢同王大陸情變，直到2月佢又感嘆：「隔離得好辛苦」不過翻查時間線，王大陸當時已經同蔡卓宜喺節目上以「哥哥妹妹」相稱，且同遊主題公園。而Ivy同王大陸分手後，仍保持互相追蹤對方社交網。