東網電視
更多新聞短片
視帝陳展鵬及林夏薇（薇薇）等一眾《逆天奇案》的演員今晚（11號）齊齊在電視城睇劇集大結局，兩人表示大感不捨，薇薇因劇集帶挈而人氣急升，被封「國民女友」，其社交平台粉絲急增100萬兼獲金V認證，她坦言這套劇令她收穫甚豐，非常難得，感謝觀眾支持：「知道觀眾見到我喊跟住我一齊喊，好感恩，我拍嗰場戲時好深刻，停咗機之後我都抽離唔到，喊咗好耐。我好明白個感受，現實中你有幾堅強，但父母係最後防線。（你現實中有冇試過被伴侶背叛？）冇，如果係我打死佢。」
劇集話咁快到尾聲，二人大感不捨。
好彩林夏薇現實冇遇過負心漢，否則打死佢！（講笑啫）
至於在劇中背着女友薇薇，跟馮盈盈發生肉體關係的陳展鵬就開玩笑說：「唔怪之得我少咗粉絲，哈哈！」他指作為演員開心有觀眾認同，大家同喜同悲，笑言見到網民的評論與分析，比演員本身還細緻，很多網民甚至捨不得劇中的反派死。問到是否會開拍續集，他透露曾志偉向監製劉家豪提出開續集，展鵬自薦可以幫手編劇：「可以話盈盈有咗我個小朋友，但冇同我講，幾年後返嚟，張頴康就搵我報仇。」薇薇就想在續集一嘗演反派滋味。
陳展鵬自薦做編劇，寫馮盈盈有咗佢嘅骨肉！
馮盈盈
另外，提到港姐面試有混血兒佳麗Jasmin被網民指與展鵬撞樣，展鵬好奇地反問：「咁係O唔OK？如果我係女人，應該唔錯，希望佢攞冠軍。（你可唔可以反串演出？）我得，續集可以講我反串喬裝女人去查案。」
唔知續集係咪真係會喬裝做女人去查案呢？
