東網電視
更多新聞短片
天后王菲同謝霆鋒復合7年，二人低調談情高調各有各玩，早前就傳過又分手，不過佢哋今年四月時世紀再拖手，即時令「分訊」破滅。不過最近傳聞愈傳愈誇張，近日竟喺內地瘋傳現年51歲嘅王菲為謝霆鋒生子，更早於6月初就已經分娩，消息令人震驚！
兩個月前佢兩個再拖手出巡已經夠爆。
今次仲講到去生仔？
網上指早於6月9日當日，王菲就為霆鋒喺香港誕下兒子，流傳版本更指霆鋒更激動地表示：「我終於有一個完整的家了！」為咗增加「可信性」，網上更傳出產房照，相中見到一位虛弱產婦瞓喺床上，周圍環境一般，唔少網友都質疑歌后王菲唔會喺咁普通嘅環境下生子，而且相片畫質模糊，根本睇唔清相中人係唔係王菲，因此好多網友都當係笑話一則。
網友都群起質疑係相中人唔係王菲！
仲話歌后王菲唔會喺咁普通嘅環境下生子。
謝霆鋒近月忙宣傳新片。
