東網電視
更多新聞短片

歌手張天賦(MC)、泳兒、糖妹及郭偉亮等,晚上於電視城錄影《勁歌金曲》。早前參加《全民造星》獲得亞軍的MC,被安排首次涉足電視城,他打趣覺得電視城很大,而且很凍。問到如今「倒戈」亮相無綫節目,是否感到身份尷尬?他坦言:「只係想分享我嘅音樂啫。(擔心引起粉絲負評?)喜歡我嘅音樂就得,希望大家都聽到我嘅歌。」
他透露今次會與節目內獻唱自己新歌《反對無效》,並交由其他音樂人即場作歌藝點評。問到是否緊張,他答:「咁我作為新人,都好需要評語,知道自己嘅不足。雖然係殘忍,但都係一件好事。(如果評語太過刻薄,你會忍唔住喊?)其實之前參加其他比賽,都有好多嘅抨擊,我有晒心理準備。」
當問到印象中最苛刻的批評,MC直言:「記得有人留言,話我唱得幾好都冇用,太寸嘞,係針對我嘅態度。(咁你有冇改?)改咗好多啦,亦已經冇遲到。」
MC又表示其實未有與電視台簽下合約,倘若亮相ViuTV節目推廣音樂的話,亦覺得沒有問題。他又表示自己喜歡演戲:「可以拍劇嘅話,我唔怕辛苦。(想演乜嘢角色?)其實乜都想試。」

MC話印象中網民最苛刻嘅批評係唱得好都冇用。

網民話MC個人太寸。

MC話已經改咗好多。