東網電視
更多新聞短片
內地「劇后」趙麗穎被指因離婚一事而傷神，喺綜藝節目度表現呆滯，成個悶悶不樂樣。有爆料者指其實佢不愁有第二春，身邊成班高質男士知佢回復單身後，立即向佢展開熱烈追求：「這些趙麗穎的追求者並不在乎她有過一段婚姻，甚至還願意接受趙麗穎的孩子。」可惜「襄王有夢，神女無心」統統畀啱啱離婚又事業心重嘅佢拒絕。
趙麗穎依家專心工作，暫時唔諗拍拖。
因為工作係唔會背叛佢。
爆料人仲話，趙麗穎將精神全部放喺工作上，因為佢覺得只有事業先唔會背叛佢，不過工作還工作，佢仍然好掂掛現時只得2歲大嘅囝囝。有傳佢曾經諗過帶埋囝囝開工拍戲，因為考慮到囝囝仲細，好需要媽咪照顧，最多佢拍戲埋位時，就將囝囝安排喺保母車度，再請多個保母貼身照顧，不過呢個兩全其美嘅邊湊仔邊開工嘅方案，就暫時唔知可唔可行，因為佢承諾咗同前夫馮紹峰共同撫養囝囝，都要等囝囝爸爸點頭先得。
趙麗穎諗住帶埋囝囝一齊開工。
邊拍戲邊湊仔，一舉兩得。
不過呢個方案都要過到馮紹峰先得。
