古天樂男神降臨內地機場　職員搜身開心到傻笑

男神古天樂（古仔）最近聯同兩大影帝郭富城、劉青雲合作新片，到內地雲南西雙版納取景拍攝，唔少粉絲街頭拍下偶像，令片中造型及情節曝光，其中汽車追逐戲掃冧街市，十分逼真！

近日古仔於當地機場再次被野生捕獲，片中見佢等待進入機場時已被唔少途人認出並舉機拍攝，魅力懾人程度連機場職員檢查物品時都眼甘甘望住佢，笑容滿面，搜身嗰位女職員更開心到傻笑！檢查完畢，唔少途人追隨要求與古仔合照，不過古仔身邊獲多名工作人員護航，粉絲未能埋身，而佢可能拍戲過後太攰，面上木無表情、直行直過，未有停低同粉絲影相。唔少網友大叫好羨慕搜身嗰位職員，語帶葡萄直呼：「這些機會不是屬於我的。」