東網電視
更多新聞短片
歌手張敬軒（軒仔）接棒代替李克勤做《聲夢傳奇》嘅「替工奶爸」，喺同學員溝通期間，佢特別點讚觀眾緣麻麻嘅Aeren（文凱婷），話佢嘅表現同鬥志，令佢留下深刻印象：「一班學生內總有呢啲人，可能佢嘅唱歌音準、表達能力唔係最好，但佢好努力用其他方面嚟平均分配，去令自己喺一個安全嘅位置，每人都有佢嘅生存方式，我留意到佢係咁。」
軒仔開口力讚，Aeren當然開心又感動，不過就有啲網民質疑，Aeren何得何能獲軒仔「加持」，結果網民幾經抽絲剝繭後，終於明白Aeren真係有佢嘅過人之處，就係畀到軒仔一份親切感。
其實Aeren嘅笑容同神態，真係好似一個同軒仔好親嘅人，嗰個咪係樂壇天后容祖兒囉！據知《聲》嘅工作人員見過Aeren真人後，都覺得佢真係有幾份似初出道時嘅祖兒，尤其佢「傻大姐」嘅性格，同當年初出道嘅祖兒一樣。雖然Aeren多個咗「山寨祖兒」嘅稱號，不過仍然有部份網民唔太Buy，有網民好有怨氣咁話：「似容祖兒大晒咩！」正所謂「細路女唔識世界」，Aeren仲咁細個，不如學軒仔咁畀次佢機會啦！
軒仔特別點讚觀眾緣麻麻嘅Aeren。
可能Aeren同初出道時嘅祖兒有啲似！
容祖兒
