東網電視
更多新聞短片
視后李佳芯（Ali)近年黑仔都暈，之前曾因政治風波被公司雪藏多時，到近月先至逃出生天，無綫逐漸將佢「解凍」，其孭飛劇集《智能愛人》之前4月於網上播映完，現定於8月3日在翡翠台播映，以為今年有機再衝擊視后，不過為配合奧運特備節目，頭一星期會於晚上10時15分播出，變相飛出黃金時間，面對重重波折，李佳芯喺社交網終於發聲。
李佳芯孭飛嘅新劇《智能愛人》為配合奧運節目，頭一星期要調離黃金時間。
不過李佳芯向來勇往直前。
一身羅拉Look，表示自己敢於冒險。
佢晒出一身羅拉Look，着住小背心同戴上護眼罩，個樣似為冒險準備，佢留言：「李佳芯，激發你的下一次冒險！」唔少網民解讀佢無懼世事變改，就算前景幾咁艱難，佢依然敢於冒險，勇往直前。網民又發現佢今次係呼應番佢對上一個Post話：「知道怎樣做，跟會否去做！」以證佢唔服輸嘅性格，叫佢一定要加油！
網民都叫佢加油！
呼應番佢之前個Post！
