東網電視
更多新聞短片
早前返港探親嘅藝人余文樂，出席百人無罩派對時同一名女子咬耳仔，被指態度親暱，佢老婆王棠云（Sarah）開腔力撐，仲話傾偈好正常。已經身在台灣嘅樂仔終於都隔離完出關，臨走之前要做一樣好緊要嘅事，就係剃鬚！佢唔係想執靚個樣先出嚟見人，係因為出名父愛爆棚錫到一對小朋友燶嘅佢，怕啲鬚會拮親仔女唔舒服，所以剃晒鬚先返屋企，咁一見到小朋友就可以盡情錫錫，認真溫馨！之後佢喺社交網上載囝囝瞓到好稔嘅相，唔知囝囝係咪太耐冇見爸爸玩得特別好開心，所以咁好瞓呢？
隔離完特別開心。
樂仔剃咗鬚先走人，因為怕拮親小朋友。
終於可以返屋企。
同樂仔玩完一輪，囝囝特別好瞓。
唔知Sarah鍾意樂仔有鬚定冇鬚呢？
而喺呢段隔離日子，樂仔做得最多嘅就係運動，期間都有諗過偷吓懶，不過因為一個原因堅持到底，佢留言話：「其實我也有惰性，我也很常想偷懶，但我會怕前工盡廢，每想到這個我就會繼續堅持。」不停操咗咁多日，唔知佢幾時先會晒吓爆肌相畀大家睇吓！
隔離期間樂仔不停做運動。
怕前工盡廢，所以堅持落去。
