黎諾懿搵花旦開餐廳！王君馨被小春雞點到失魂

出動多位無綫花旦如王君馨、姚子羚、龔嘉欣、陳敏之等拍攝的飲食節目《仨心友行2》，是黎諾懿首次擔任監製的作品，節目將於8月在馬來西亞TVBI收費電視播出，而這個以內地美食真人騷節目《中餐廳》為藍本的節目，除可睇到花旦如何經營餐廳和煮食外，其中一集更招待了一對70多歲的夫婦，為他們設計了一頓盛宴，及補辦婚禮兼拍婚照，現場氣氛相當溫馨。

君馨湊唔掂小春雞

黎諾懿表示節目每集都有一個主題，會見到每位嘉賓如何經營一間餐廳，其中最搞笑是君馨煎燶牛扒的情景，搞到現場冒白煙，又被諾懿兒子「小春雞」點到失魂，諾懿稱：「因為有一集係嘉賓做代母，君馨帶住我個仔，畀佢點到有啲慌！」至於另一位老友敏之則因現場沒冷氣而熱到中暑，他說：「拍攝現場係一間玻璃屋，地點偏遠，敏之拍咗15分鐘已經頂唔住中暑，原本要去醫院，但佢堅持話唔使，抖咗一陣再開工，真係好專業！」