東網電視
更多新聞短片
歌手吳業坤喺無綫《東京五輪直送》節目度一個特備環節「結識美女挑戰」，要同另一位男主持周奕瑋，於限時內喺東奧嘅國際廣播中心內，同女主播或記者影到相、傾偈鬥多，勝出者就可以榮登「國際友誼小草」嘅寶座，目測高過周奕瑋半個頭，識女經驗豐富嘅吳業坤，喺賽前被視為頂頭大熱，但結果卻係「估你唔到」。
大家都知吳業坤女人緣好好。
比賽一開始，周奕瑋相當進擊，先後用英語成功同嚟自新西蘭嘅低胸裝美女、美國女記者搭到訕，之後周奕瑋再野生捕獲來自美國嘅女記者，吳業坤只攞到一位女記者嘅社交網帳戶，事後佢解釋自己輸足成條街嘅原因係：「我比較內斂，同埋係沉默型，仲有，佢捉住個女仔傾偈，係好唔尊重個女仔身邊嗰兩位男士囉」，激到周奕瑋開口鬧佢係「垃圾」，佢又自我檢討，曾坐埋一邊話：「我唔知點解突然覺得自己好廢。」
點知周奕瑋先係王者！
傾完一個又一個。
吳業坤終於都拎到個Contact。
周奕瑋爆冷勝出後，佢嘅當選感言係：「我覺得坤坤只係選擇識東洋美女。」不過有網民覺得坤坤輸到凸，估計同佢英文屬「有限公司」有關。
原來東洋美女先係佢市場！
