方媛34歲生日滲少女味　郭富城冧豬：老婆永遠愛妳

東網電視

更多新聞短片

影帝郭富城日理萬機，早前先啱啱喺雲南西雙版納返港，仲做埋暖男出巡照顧採訪記者，但原來佢今次返嚟係有「任務」，皆因靚女老婆方媛34歲生日，趕得切同太太切Cake嘅佢，今日（5日）凌晨先有時間甫相，仲放晒閃咁貼出二人合照，留言：「老婆生日快樂。?永遠愛妳。❤️ 」相當冧豬！合照中見城城鬼咁Cute，單眼Chok Wink之餘，又着晒紅色衫夠喜慶，至於方媛就依然靚女，甜笑中仲流露出一絲嘅少女味，真係點睇都唔似已經3字頭呀。方媛收到老公愛的呼喚後當然甜在心，亦相當識做有所反應，在社交平台發文表示感激老公的愛：「好的，你的愛我收到咯，嘻嘻。」佢哋瘋狂大放閃光彈，網民都話「閃瞎了」。