張崇德作編曲　李璧琦唱高難度歌自認有氣冇碇抖

歌手李璧琦（Becky）日前参與一個由基督教團體主辦的歌曲創作比賽，同場還有譚嘉儀、謝文雅、徐偉賢等等，第一次参與這類音樂比賽作表演嘉賓的她感覺好新鮮，席間歌手們都異口同聲指已很久沒有舉辦類似比賽，所以大家都好雀躍，尤其當頒獎時，大會突然驚喜公布所有得獎歌曲的音樂人會有獎金資助時，歌手們也立刻舉手歡呼笑言來年一定要参加，非常搞笑。

當日大會特別安排給她唱的歌難度較高，所以事前她要準備更多：「今次比賽係張崇德作編曲指導嘅，因為原本係男仔歌音域比女仔歌較闊，成首歌係一輪咀咁唱落去，真係覺得有啲『有氣冇碇抖』嘅感覺！」

曾贏過十多過音樂比賽獎項的她，對音樂創作比賽感覺良好，她說：「比賽會吸引多咗好多唔同嘅範疇音樂人認識同討論，所以對我做歌會有好大幫助，我做歌手都係新，好想同其他新進音樂人合作，希望有機會可以演釋一啲新曲風嘅作品！」