【姜糖打卡注意！】9月姜濤周圍陪住你

人氣偶像男團MIRROR成員姜濤人氣高企，形象正面既姜濤火速成為廣告界寵兒，廣告一個接一個，今年更成為HPV疫苗廣告的代言人。

9月是新學年開始的日子，出名疼錫粉絲的姜濤，當然要遍布不同地區陪住姜糖啦！早於9月1日，姜濤已現身於巴士102及170車身，巡遊港九陪伴大家開學，而除了巴士車身外，電車車身也同時出現姜b的靚樣，真係舉頭望姜濤，打卡機會唔會冇！有緣遇上姜濤的巴士同電車，記得打卡之餘都要注意安全。

驚喜一浪接一浪，除了巴士及電車車身外，9月8日於港鐵香港站，亦會有最新姜b的HPV廣告面世，真係打卡打唔完呀！