東網電視
更多新聞短片
藝人龔慈恩嘅女兒林愷鈴（Ashley）愈大愈靚女，有「最索星二代」之稱，20歲嘅佢雖然已簽約做模特兒，不時都會拍廣告同出活動，但係佢依然有繼續學業，今年修讀香港大學建築系最後一年，日前已經開咗學啦！
見到到女兒成長，作為媽咪嘅當然相當開心，龔慈恩喺社交網晒咗同女兒小時候嘅合照，好感慨話：「又開學啦！從幼兒園開始到今年大學最後一年了，你每年都是同樣帶着期待興奮嘅心情上學去，喜歡你積極學習嘅衝勁，預祝你能適當美妙地掌控時間駕馭學習與工作，好好管理享受新學年。加油！」而網民睇到都大讚Ashley細個好得意，樣子標致一睇就知大個係靚女，而有網民驚嘆話龔慈恩個樣咁多年都冇變，Keep得相當好，仲問佢有咩凍齡秘訣呢？
林愷鈴不時都要出騷。
但係佢依然有繼續學業。
龔慈恩晒同囡囡小時候嘅合照。
到咗依家囡囡都長大咗啦，龔慈恩個樣都冇咩點變！
