東網電視
更多新聞短片
藝人陳法拉最近憑漫威超級英雄新片《尚氣與十環幫傳奇》（Shang-Chi and The Legend of The Ten Rings ）成功打入外國市場，日日喺社交網晒出五光十色嘅新生活，表現絕對High爆！不過法拉前夫薛世恒原來同樣有開心事宣布，今日（11日）佢就晒出一張同新女友嘅拖手合照，明顯要高調晒愛，雖然女友戴上墨鏡示人，完全睇唔到個靚樣，不過見佢同薛世恒外形合襯，即獲大批好友、網友祝福，當中被指同薛世恒撞樣嘅袁偉豪亦好快手留言力撐，果然係好兄弟。
東網聯絡上薛世恒，佢話：「好開心同大家分享我已經同Cherie訂婚，我哋相處咗一段時間，有共同嘅信仰同話題，佢喺背後支持我走每一步。我覺得依家係合適嘅時間認定彼此關係。Cherie係圈外人，我唔講太多有關佢嘅嘢啦，希望大家明白，謝謝大家嘅關心同祝福！」
陳法拉依家打入外國市場，事業起飛。
當年佢同薛世恒離婚收場。
薛世恒高調晒新女友。
仲寫晒詩句，中英對照放閃。
