1年半冇收入諗過自殺!魏駿傑爆同滕麗名分手真相

20210911
東網電視
更多新聞短片
已入行30年藝人魏駿傑接受電台訪問,談及人生低潮、婚姻與感情,但也有軟弱的時候:「去年係非常難過嘅1年,我要去睇心理醫生,離婚、封關,有1年半時間係零收入。我想過自殺,覺得好慘,我個女救番我,因當時我想起佢唔可以冇咗我,我將隻腳踏返落嚟。呢件事唔可以畀我個女知,我喺佢面前日日都好開心,如果佢知會影響佢一世。」
唔係滿分老公
對於離婚,他指自己做足爸爸本分,卻不是滿分老公:「我離婚冇講邊個啱邊個錯,其實我哋都開心過。離婚係因為人會變,我變得太離譜,淨係掛住湊女而忽略咗佢?就當係啦!大家好落台。我係個好悶嘅老公,係一個110分嘅爸爸,30分嘅老公。其實我都有啲嘢做得唔錯,每年情人節我都會整心形牛扒,旁邊圍住兩隻大龍蝦,又會送花,做足咁多年!但係,有啲事情察覺到可以解決,但有時察覺唔到,發覺時已經冇咗……」他說打算公開招親,雙方可以共同生活,但未必會結婚,還指曾向女兒提及,沒料到她的反應很大:「唔得㗎!你淨係可以愛我一個!」
魏駿傑最為人熟悉的劇集《陀槍師姐》系列中飾演陳三元的丈夫程峰,劇集亦讓他與滕麗名相戀,但於2008年分手:「我北上發展,有30%係因為佢,70%係見到內地嘅發展。我哋拍拖9年冇結婚打算,我爸爸喪禮佢以未來媳婦嘅身份出席,我好感動。但後來忽然間唔知點解大家冇咗感覺,就好似結咗婚90年……原來太投入劇中嘅情感戲會傷害到自己,我冇諗過真係結婚,我怕我分唔清係做戲定係真。人家會以為係藉口,我當然係真心愛佢,一定係,否則唔會(拍拖)8、9年,大家好期待我哋結成一對,但我成日都想做普通人,點解要做金童玉女?佢好紅,一定紅過我,佢愈嚟愈紅,我就愈嚟愈避,所以我就let go,唔好害咗佢……『喺現實生活中我唔知道點樣對人好』,呢一句(說話)概括咗我16年嚟喺TVB嘅經歷,所以我奉勸年輕人,如果你嘅內心唔夠強大,唔好隨便入行。」
自覺配唔起滕麗名
他又指滕麗名其實都是受害者,他說:「現實生活中佢好懂得愛我,係我配唔起佢。依家佢成為朱太,我好開心!我見到人家幸福我就開心。」今年初上演的《陀槍師姐2021》,魏駿傑並沒有獲邀參演:「佢哋冇叫我,叫我都唔會去,因為只有滕麗名唔夠,一定要有歐陽震華、關詠荷,所以我唔認同佢(這劇集)係《陀槍師姐》系列。有冇魏駿傑都冇所謂,不過就算搵我,我一定Say no!」
他透露最近接獲不少北上的工作邀請,但實在不捨在港讀書的女兒。他早前把大屋賣掉,現時父女租住較小單位,感覺更親近:「一切都會有好轉,舊年我運氣咁差都可以過到,所有香港人都可以過到,唔好放棄,未來只會愈嚟愈好!」