同竇驍好事近?何超蓮自爆有拍拖協議

2021年09月23日 18:02
東網電視
更多新聞短片
賭王三房千金何超蓮與男友竇驍愛得甜蜜,二人平時大量放閃人前人後都咁恩愛,仲試過一齊上真人騷表達煙韌一面,確實令人動容。最近佢哋齊齊接受訪問,大談戀愛日常,當中超蓮被問到竇驍為佢做過最浪漫嘅嘢係咩?佢即語帶哽咽表示對方喺賭王離世後,即二話不說主動放低所有所有工作,冇顧慮嚟香港要隔離成個月,仲全程陪佢處理爸爸嘅最後儀式,花時間安撫和照顧佢嘅心情,令超蓮大嗌感動。佢哋又提到二人未去到「老夫老妻」階段,不過竇驍又爆料女友成日都花時間煲湯、煮飯,又會半夜煲湯去拍攝現場探班,大讚超蓮賢淑、體貼。
不過最令人意外係,超蓮自爆交往之初原來二人已有協議,就係遇上爭議時唔會逼對方畀答覆、求解決,會先一齊冷靜落嚟,「過冷河」,等情緒沉澱,先心平氣和地再討論,避免失控時亂講傷害對方嘅說話,令事情無從挽回。