傳搵《我是歌手》班底造星　TVB疑開拍《男神廚房》

近年無綫多人事調動，當中曾志偉上任無綫副總經理近8個月後，日前宣布獲委任為總經理（節目內容營運），全面負責電視的主要內容營運，同時亦搵嚟王祖藍、馬浚偉等回巢幫手，明顯想有大改革。近日就有傳內地芒果TV將與TVB合作舉辦「超S級港樂歌唱競演節目」，據指節目就係《我是歌手》班底製作，繼續大搞音樂競技類。

同時亦有傳無綫打算開拍新飲食綜藝節目《男神廚房》，似係經典節目《美女廚房》嘅男士版，仲話會搵嚟鄭裕玲做主持，叫座力同號召力同樣有睇頭。