東網電視
更多新聞短片
性感女星布睎尤近年轉食全素，且與友人合資開素食茶餐廳，將全副心機投放在生意上，揚言除了模特兒工作，從未做過長工，因餐廳經營早餐，她要每天06起床，朋友都覺得她一定捱不了多久便會放棄，但她性格硬頸，視為挑戰自己，現在幾乎每日都落店，經常不施胭脂示人，她笑言也擔心素顏樣趕客：「擔心上鏡一個樣，私下又一個，我都驚落差太大，粉絲會unfollow我 。」
但意外地早前竟然收到情信，她靦腆地說：「以前做模特兒時識，佢話想我做佢女朋友，佢成日都有嚟捧場食素，都開心既嘅，可能因為食多咗素令佢身體好咗。（收藏封情信？）會呀！我好鍾意儲信，讀書時候收到嘅情信收藏咗一盒。」過往參加過不少格鬥比賽，表現勇猛的她，透露原來因膝患做了一年物理治療，現在都暫停比賽，她說：「其實自己都唔知受咗傷，直至有次做瑜伽拉筋，膝頭好痛先發現，醫咗成年，依家好少再打，而且我好易瘦，大運動量就會好瘦。」
布睎尤收到情信，證明素顏都有吸引力。
不過依家仲有人寫信先係最勁！
