馬德鐘點評曾合作藝人 邊個最犀利?

20211016
東網電視
更多新聞短片
藝人馬德鐘接受電台訪問,細訴於影視圈多年點滴,於眾多合作過的藝人和前輩中,他表示對劉松仁最印象深刻:「佢好犀利,對戲劇嘅處理好有一手,仲提點我哋要注重藝德,即藝人嘅品德,要尊重自己嘅行業,唔好踩自己嘅行業同公司,呢個係一門藝術,我聽咗之後好有使命感。另外汪明荃都係好演員,守時、做足功夫。同羅嘉良合作,我欣賞佢嘅內心戲。袁詠儀就勁到不得了,未見過佢NG,無論對白幾長都一氣呵成。宣萱呢個老拍檔更加難得,好爽朗!」
談到家庭方面,他指與太太結婚28年,雙方相處不俗:「佢係一個好堅持嘅人,做事一定要做到200分,好投入,我比較輕鬆,佢可以15個鐘頭做一件事,我唔得,我要飲吓咖啡,聽吓音樂,咁先至會有靈感。」更指平日會與太太孖住做運動、去超市、食素等。