東網電視
更多新聞短片
大陸著名演員吳秀波自2018年被爆出背妻偷食內地女星陳昱霖，搞到「人財兩失」，吳秀波即被全面封殺，陳昱霖則被吳秀波控告敲詐勒索，判有期徒刑3年，緩刑3年。吳秀波到依家都未有咩搞作，更罕有被爆出私生活點樣過。相反陳昱霖就愈嚟愈高調，佢喺今年2月疑似出獄後，就多次晒出濃妝自拍及外出玩樂照，回歸正常人生活。
陳昱霖晒出「兒子」合照。
但其實小朋友都好大個！
不過最近佢竟然出Post，晒出同一位小男孩嘅合照，又留言：「兒子」，疑似宣布自己已經成為人母，令人嘩然！大批網友湧入佢嘅社交網留言，問小朋友係咪佢同吳秀波所生，因為佢喺2018年時自爆已經同吳秀波交往足足7年，令到網友有所揣測。未知係咪見群情洶湧，陳昱霖已將照片刪除。
吳秀波到依家都仲未見影。
佢見到網友湧嚟睇相後，即快手刪Post。
