東網電視
更多新聞短片
歌手泳兒與師妹許靖韻及曾樂彤到淺水灣出席遊艇品牌活動。泳兒表示間中都會出海遊船河：「除咗玩水上遊戲外，又可以歎住冷氣，對住個海感覺唔同啲，以前朋友會問有冇車、有冇樓，但依家會問有冇船。（你想唔想同男友買船？）想呀，可以開揚啲又私人啲，但睇中部船成2千幾萬，最平都要800萬，所以要繼續努力工作先，如果男朋友買畀我就好啦，或者我都想考船牌學吓揸船。」
泳兒（中）帶埋師妹出活動。
許靖韻亦謂很久沒遊船河：「依家冇得去旅行，遊艇可以當係去旅行先，因為入面裝修到好似酒店，可以當去staycation。」她又謂最愛玩水上電單車：「因為我未有電單車牌，所以就玩住呢個先，覺得好刺激。」而曾樂彤則笑言去主題公園玩要排隊，到遊艇玩就不用排隊：「可以玩唔同嘅水上遊戲，我最鍾意係瀡滑梯。」泳兒亦謂最想挑戰玩海上衝浪板，可以升高，順便克服畏高，又笑言睇到張敬軒爬上大廈避雷針很心寒，但三女坦言有機會都想試爬，曾樂彤更笑言：「可以用屋企天台爬去水箱嗰條梯練吓先，都有幾級樓梯。」
泳兒好想買船！
許靖韻晒長腿！
曾樂彤都唔輸蝕！
