封口唔講謝東閔「航拍事件」 朱智賢投晒降嗌唔知

20211026
東網電視
更多新聞短片
藝人朱智賢(朱朱)及關嘉敏等中午出席J2《呢鋪開細》宣傳活動,公布該台晚間新節目排檔。二人齊以Bra Top加外套現身,原來她們早前有份參與節目《野外步出2》拍攝,行山及澗水拍足十多小時,相當賣力!活動上主持方紹聰(奶仔)更大灑鹽花說:「朱智賢副『架生』係咪好吸引?」談到當日拍攝個程,朱朱即謂:「可能奶仔知我行慣山,所以先搵我。嗰日真係行到連攝影師都頂唔順,大家飲晒啲水,我就慳住嚟飲。(第二日散晒?)我仲約咗人去沙灘,諗住都係攤喺度,唔想放人飛機。」
談到早前有網民發現航拍機在汀九橋低飛險些擦過巴士頂,網民查出操作無人機是謝東閔,他自此「消失」,就連上周節目巡禮亦告缺席,朱智賢表示:「我唔評論喇,我唔識玩,唔知呀!(乜都唔知,你哋分開咗咩?)又講?我同佢好少講工作嘢。(擔心佢涉嫌違法?)唔回應喇。」她透露年底將拍劇,已相隔年多未有演戲,她形容心情難免有點緊張,但會以平常心面對,更畀心機去工作。
另外,關嘉敏則表示拍攝《野》節目時,剛巧自己要演出《盛舞者》,故疲累不堪:「嗰日只係瞓咗1粒鐘就開工,爬山游水後開始都有啲暈,成個背脊又曬到傷晒,痛咗成個禮拜。」她又指剛完成加盟無綫的處女劇《隱形戰隊》拍攝:「今次冇得打人唔開心,但畀人打,搞到精神狀態好興奮,收工後瞓唔到。」而劇中她有多場喊戲,視為大挑戰。