東網電視
更多新聞短片
內地女星范冰冰與李晨2017年公開宣布訂婚，可惜4年情喺2018年終結，二人一直都未見有復合嘅意思，不過網友就似乎仍然睇好，今日（28日）朝早8點網上就傳出二人私下已經結完婚再離埋婚添，仲講到似層層。消息好快就傳番去當事人李晨耳邊，過咗2個鐘佢就極速透過工作室針對此事發聲明，稱傳聞純屬造謠，同時仲表示堅決通過法律途徑捍衛李晨嘅合法權益，絕不姑息。粉絲都撐佢用法律維權，仲大鬧營銷號為博人眼球而造謠。
佢哋2018年宣布分手，但網友依然視佢哋做「金童玉女」。
依家仲傳埋結完婚再離婚。
李晨就快手回應，否認係真事。
而范冰冰工作室則喺發布謠言消息嘅博主Post留言：「您所發布的這條微博中，所涉及到關於范冰冰女士的新聞內容純屬捏造，不屬實，希望您將不實內容予以刪除」，而該博主事後則將發文刪除。
依家冰冰成日都畀人影到佢自己一個去傾生意。
