東網電視
更多新聞短片
現年23歲嘅內地人氣女偶像孟美岐，近日被爆出介入內地音樂人陳令韜與其正印女友之間，仲被正印爆出大批孟同陳嘅露骨對話截圖，嚇到孟美岐即刻澄清自己「莫名其妙的變成第三者」，直指係男方呃自己單身。點知事件仲未完，繼男方暗示要尋死後，女星李楊璐就跳出嚟指控佢係「小三慣犯」，同時曝光自己前男友、內地說唱歌手陳澤希同孟美岐間嘅曖昧對話截圖，孟美岐當中提到：「記得我跟你說過，兩者之間不存在兼顧，早晚都要做出決定，我也知道這個決定，從一開始就不是我，但是我還是選擇勇敢愛下去……第三者這個詞不適合我孟美岐，離開我也會瀟灑地離開的。」明顯知陳澤希已有女友。
孟美岐被愈爆愈多，依家仲話佢係「小三慣犯」。
一開始佢被爆介入音樂人陳令韜感情。
今次就有女星話佢都曾經被孟美岐介入佢同陳澤希之間。
陳澤希又係玩音樂嘅。
最爆嘅係，同時亦有私生飯公開孟美岐10月行程，指佢喺「小三事件」被爆出前，足足20日時間，佢竟然用咗16晚嘅時間都係同陳令韜共住同一間酒店房，但孟美岐就喺10月19日發出單身聲明，令私生飯睇唔過眼要公開直斥佢講大話。
連粉絲都爆料佢明明同陳令韜開房16日，都對外表示自己單身。
