跌親再踩第二場 炎明熹派定心丸姚焯菲勁擔心

2021年11月21日 22:03
東網電視
更多新聞短片
主演無綫青春新劇《青春本我》的一眾「聲夢」學員炎明熹(Gigi)、姚焯菲(Chantel)、詹天文(Windy)、文凱婷、潘靜文(Sherman)、冼靖峰(Archie)及何晉樂等,聯同歌手JW(王灝兒)、吳業坤等,今晚(21日)出席劇集慰勞宴。無綫電視總經理(節目內容營運)曾志偉、星夢娛樂CEO何麗全及無綫高層樂易玲亦有現身支持,當何麗全見到今午出席活動時腳軟跌倒的Gigi到場時,立刻上前問候,回復狀態的Gigi點頭。
席間播放劇集花絮片,Gigi、Chantel及Windy感動到哭成淚人,要用紙巾拭淚兼互相擁抱安慰。活動後Gigi、Chantel及Archie受訪,Gigi被問到今午腳軟倒地,現在可還有不適時,她大派定心丸,指已好了很多:「本身做完活動要開工,但都冇去,返咗屋企休息。」Chantel說知道對方不適而發生意外,十分擔心,當刻有傳訊息慰問對方,問到同樣要返學及開工的她,身體可兼顧到?她信心十足指可以。
Archie自爆早前開工時因太辛苦,一度不適而缺席工作,問到他面青口唇白,他才承認患感冒:「未有睇醫生,只係食咗藥,之前怕食藥會影響把聲同精神,依家狀態係OK!」笑問Chantel能否好好照顧Archie及Gigi?她即笑說:「相信Archie可以照顧好自己,我會全晚好好睇住Gigi。」
對於在現場看花絮片時不停狂喊,Gigi搞笑自嘲是流淚日,更大拋金句:「萬感交集在一心」,鑑於之前她曾自認冇喊功,打趣問她是否終於識喊?她笑說:「呢個唔係做戲喊,係真流淚。」身旁的Chantel邊講邊眼濕濕:「啱啱見番啲相,好掛住拍劇嗰陣嘅時光!」Archie亦表示拍劇後眾人感情大踴進。
提及Gigi日前於台慶抽中2萬5千元大利是,她直言會聯同同樣中獎的Sherman,夾份請聲夢學員食飯,Chantel聞言提議打邊爐,但Archie則獅子開大口,笑說要吃價錢不菲的Omakase(廚師發辦),Gigi聽到即嚇得擘大口得個窿,更作狀扔下訪問咪,想轉身走人,十分爆笑!問到Gigi除了「萬歲」之外,大利是可有其他用途?一直說要買「磚頭」的她,直言會把利是儲起:「買樓夢想又近咗一步!」另外,講到「奶爸」李克勤大讚全體聲夢學員「成才」,於台慶上的演出亮眼,Gigi感謝對方一直以來的照料,並因可以再次跟對方合唱《紅日》而感到興奮。