陳浩民餅印大女10歲生日　蔣麗莎蝴蝶加持搶Fo

東網電視

更多新聞短片

藝人陳浩民太太蔣麗莎愛搞Party，日前佢先為自己36歲生日搞咗個生日party，兩公婆就咁喺朋友面前熱情嘴對嘴放閃，估唔到原來大女陳雅薷同佢都係尋日（30日）同一日生日，佢就選擇正日同一家人過，仲捉埋一家六口圍實影全家福，當中就見到大女頭戴皇冠、身穿彩色衫上陣，唔知係咪加咗Filter，10歲嘅陳雅薷就化晒濃妝見人，反而令佢同媽咪撞晒樣，而蔣麗莎就以Shocking Pink露膊上衣出鏡，Chok到盡咁喺頭頂戴上大大個同色蝴蝶結，大合照時又坐正中間、擺出心心手勢搶Fo，搞到網友都留言大讚被佢哋母女二人驚艷到，又話阿女無論樣貌同氣質都同佢一模一樣，祝福佢兩個都愈嚟愈靚女，過多幾年就更加似「兩姊妹」咁話。