靚湯否認與馬國明築愛巢 同黃心穎見面唔尷尬

20211221
東網電視
更多新聞短片
藝人陳展鵬、湯洛雯(靚湯)、劉佩玥今日(21日)在將軍澳電視城為新劇《隱門》拜神。陳展鵬與湯洛雯在劇中餘演歡喜冤家,有不少對手戲,展鵬最初也低估了靚湯的「威力」,他笑說:「同佢有好多動作戲,嘗試到佢嘅力水,真係有啲力度。」靚湯笑說:「佢之前仲問我,平時你睇落好似好女仔咁,但係拍完第一場就已經話ok,你好大力呀。」
陳展鵬今年憑《逆天奇案》打入「視帝」5強,問到可有信心再攞獎?他則說:「都係咁啦,交畀公司安排,自己一路以嚟拍戲,都只係希望觀眾欣賞。」湯洛雯則笑說:「生番個仔好過啦,佢依家唔在意獎項。(馬國明攞視帝就你生仔?)唔關事,等我攞先生啦,哈哈。」
講到有指馬國明搬到將軍澳與她同居?她說:「唔係,我都係住喺屋企,因為拍緊兩套劇,所以先搵個近啲嘅地方休息,我哋唔係同居。(黃心穎都係住喺嗰個屋苑?)唔清楚。(見到面會唔會尷尬?)唔會。」